Fréttir Norðursiglingar

Langar þig að prófa eitthvað nýtt? Upplifa náttúru Íslands frá öðru sjónarhorni? Norður-Sigling býður nú upp á nýja leið til þess að njóta ósnortinnar náttúru Íslands. Þriggja daga spennandi ævintýri um borð í einu skonnortu Íslands, Hauk, bíður upp á fræðandi upplifun, gefandi siglingakennslu, nálægð við náttúruna, siglingu í miðnætursólinni, áhugaverða söguskoðun, hvala- og fuglaskoðun og svo margt fleira....

Sigling á skonnortunni Hauk sem býður upp á einstakt tækifæri til að upplifa sérstæða náttúru og mannlíf við strendur Íslands. Þriggja daga (tveggja nátta) sigling og hvalaskoðun þar sem heimsóttar eru nokkrar helstu náttúruperlur fyrir Norðurlandi. Þar má nefna:

Grímsey; staðsett á heimskautsbaug, nyrsta byggða ból Íslands og einstök fuglaparadís.
Siglufjörður; nyrsti kaupstaður á Íslandi og sögusvið síldarævintýrsins mikla á 20. öld.
Flatey á Skjálfanda; þar sem andblær horfinna sjávarhátta og mannlífs lifir enn. Lundey; ein stærsta lundabyggð Íslands.
Hvalaskoðun á Skjálfanda, einu þekktasta hvalaskoðunarsvæði í Evrópu.

Tvær ferðir eru á áætlun næsta sumar, 31. maí og 7. júní. Ferðirnar eru ætlaðar litlum hópum og einstaklingum en hver ferð tekur aðeins 6 farþegar (lágmark 4 farþegar)


Frekari upplýsingar og ferðalýsing mun koma á vefinn í byrjun næsta mánaðar, þangað til, hafði samband við okkur info@nordursigling eða í síma 4642350.



Skonnortan Haukur er eina sinnar tegundar á Íslandi og er eftirlíking af hákarlaskonnortum sem algengar voru fyrir Norðurlandi snemma á 20. öldinni.


Hnúfubakur í Þingeyskri miðnætursól.


Ferðin bíður upp á frábært tækifæri til fuglaskoðunar. Margar tegundir verða á vegi ferðalanga m.a. lundar, kríur, langvía, álka, mávar, ritur, óðinshanar og ef við erum heppin, haftyrðill, sem er mjög sjaldgæfur á Íslandi.


Um borð fá farþegarnir að taka eins mikinn eða lítinn þátt í siglingunni sjálfri, en alltaf er tími til þess að slaka á og njóta stórkostlegs útsýnis.


Reyndur skipstjóri og leiðsögumaður leiða ferðina og kenna áhugasömum farþegum siglingarlistina. Í ferðinni er allur matur innifalinn og eldamennska og þrif eru í höndum áhafnarinnar.


Lífið um borð í skonnortunni er einstök reynsla, frábært tækifæri til þess að komast í burtu frá daglegu amstri, njóta Íslenskrar náttúru og upplifa eitthvað nýtt.