Fréttir Norðursiglingar

Starfsfólk Norður-Siglingar og Gamla Bauks tók sig saman fyrr í mánuðinum og bauð ferðaþjónustufólki í teiti á Hótel Borg. Þátttakan var mjög góð og mættu um 50 manns í gleðina.

Kvöldið gaf fólki tækifæri til þess að spjalla saman, njóta góðra veitinga frá Gamla Bauk og sötra gott vín. Nýrri ferð Norður-Siglingar, þar sem siglt er á skonnortunni Hauk út í Flatey, Grímsey og með viðkomu á Siglufirði, var tekið ákaflega vel, og voru ferðaþjónustuaðilar spenntir yfir þessari nýjung.

Gestum gafst tækifæri á að taka þátt í happadrætti þar sem í verðlaun var helgi á Húsavík; gisting í Kaldbakskotum, hvalaskoðun, matur á Gamla Bauk og aðgangur að Hvalasafninu, Reðurstofu og Safnahúsinu. Vinningshafinn var dregin út og hlaut Unnur Gunnarsdóttir frá Fosshótelum vinninginn. Við óskum henni til hamingju og hlökkum til að sjá hana á Húsavík!

Hér að neðan eru nokkrar myndir sem teknar voru um kvöldið.

KK



Vinningshafinn, Unnur Gunnarsdóttir ásamt samstarfskonum frá Fosshótelum.


Jóhann frá ferðaskrifstofunni Atlantik og Anna Katrín frá Erlingssen Naturreisen ræða um komandi sumar.


Elín frá Atlantik og Bára og Hrefna frá Discover the World Íslandi í góðum gír.


Góðir vinir; Andrea frá upplýsingamiðstöð ferðamanna á Vesturlandi, Shane hjá Discover the World á Íslandi og Ása hjá Fosshótelum.


Börkur Emilsson veitingamaður á Gamla Bauk kynnir nýjungar sumarsins.