Fréttir Norðursiglingar

Það er óhætt að segja að hvalaskoðunarvertíðin á Skjálfandaflóa fari vel af stað því afar líflegt hefur verið í hvalaskoðunarferðum Norður-Siglingar fyrstu daga maímánaðar.

Í dag voru farnar tvær ferðir og í báðum sáust 3 hnúfubakar, 2 hrefnur og 20-30 höfrungar. Einnig er mikið fuglalíf á flóanum, mikið af svartfugli sem er okkur sérstakt gleðiefni þar sem óvenju lítið var af honum sumarið sem leið. Lundi, kríur, ritur og fýlar voru í æti og lífguðu upp á ferðina. Það virðist því sem fuglar og hvalir hafi nóg æti og vonum við að svo verði áfram í sumar!

Látum myndirnar tala sínu máli:)

ÞH



Uppi á þaki á Bjössa Sör er oft líflegt því þar er útsýnið frábært til allra átta!


Spakur hnúfubakur nálgast bátinn


Hnúfubakarnir orðnir tveir og frekar forvitnir!


Þessir tveir ásamt einum til viðbótar hringsóluðu kringum bátinn dágóða stund og tóku lífin með ró


Í enda ferðar er ávallt hressandi að ylja sér með heitu kakói og kanilsnúð:)