Fréttir Norðursiglingar

Vel hefur gefið á sjóinn þar sem af er vertíð og allar áætlunarferðir verið farnar og nokkrar aukaferðir. Árangurinn hefur verið glæsilegur í öllum þeirra og lífríkið í miklum blóma, krían mætt ásamt lundum og fleiri fuglum. Veður hefur verið fallegt þrátt fyrir að kalt sé enn í lofti. Hnúfubakar og höfrungar hafa leikið aðalhlutverkin í ferðum Norður-Siglingar.

Meðfylgjandi eru myndir sem teknar hafa verið núna í vor og lýsa þær stemmningunni eflaust betur en mörg orð.

HH



Hnúfubakur lyftir sporði við hlið Bjössa Sör.
mynd: Heimir Harðar


Hnúfubakarnir Spotti og Skotti í fantaformi...
mynd: Heimir Harðar


...og hér rétt við hlið bátsins.
mynd: Heimir Harðar


Vel sést hér hvernig skolturinn á hnúfubaknum er hnoðaður saman og einnig sést í bæði blástursopin, (nasirnar).
mynd: Heimir Harðar


Og þegar þeir kafa lyfta þeir sporðinum tignarlega yfir hafflötinn til að þrýsta sér niður í hyldýpið.
mynd: Heimir Harðar


Hnúfubakurinn Zorró sést hér blása hressilega við Bjössa Sör.
mynd: Heimir Harðar