Fréttir Norðursiglingar

24. júní er lengsti dagur ársins, Jónsmessan, og í því tilefni hefur Norður-Sigling ákveðið að sigla til Grímseyjar og gefa fólki kost á að komast norður fyrir heimskautsbaug.

Lagt verður af stað um 20:00 frá Húsavík og áætluð koma til Grímseyjar er á miðnætti. Þar verður boðið upp á léttar veitingar og farþegar fá tækifæri til að skoða eyjuna, njóta einstaks fuglalífs hennar og rölta norður fyrir Heimskautsbaug.

Um kl: 1:30 verður haldið til baka og áætlaður komutími til Húsavíkur er um 5:30.

Verð á mann er 6.000 kr. og innifalið er sigling, leiðsögn og léttar veitingar.

Nú er bara að biðja um bjart veður og lygnan sjó!



Þess má geta að á sama tíma er hin árlega Hvalahátíð Hvalasafnsins á Húsavík. Á dagskránni er að finna eitthvað fyrir alla fjölskylduna, s.s. ljósmyndasýning og sandkastalakeppni. Við hvetjum alla að kynna sér dagskránna nánar, en hún verður komin inn á síðu safnsins innann fárra daga www.icewhale.is



Helgina 23. -25. júní er einnig önnur hátíð á Norðurlandi sem nefnist “Næturgaman á Norðurlandi”. Þetta er í fyrsta skipti sem þessi hátíð er haldin en mun hún verða árlegur viðburður í kringum Jónsmessuna. Þar munu Norðlendingar halda upp á lengsta dag ársins og verður opið fram yfir miðnætti á mörgum stöðum á svæðinu. Frekari upplýsingar verða settar hér inn á vefinn þegar nær dregur.

KK





Útsýnið er falleg frá Skjálfanda


Skemmtileg stemming myndast oft um borð í bátum Norður-Siglingar, en einnig er pláss neðan þilja fyrir ferðalanga sem vilja ylja sér í kaldri golunni.


Sólarlagið á íslenskri sumarnótt er engu líkt