Fréttir Norðursiglingar

Eins og sagt var frá hér á vefnum í byrjun árs eignaðist Norður-Sigling tæplega 90 ára gamalt hús sem átti að rífa. Húsið var svo flutt inn að Rein í Reykjahverfi (suðurhluta Húsavíkurbæjar, verðandi Norðurþings) þar sem Stefán á Rein eins og hann er þekktur og hans menn fóru um það mjúkum höndum.

Húsið var svo á dögunum flutt til Húsavíkur eftir gagngerar endurbætur að utan og verður þar klárað að innan og von bráðar mun þar verða opnað kaffihús sem rekið verður af Heimabakaríi á Húsavík.

Meðfylgjandi myndir eru af endurkomu Skuldar til Húsavíkur en við munum flytja frekari fréttir af Skuldastöðunni þegar líður á júnímánuð.

HH



Merki kaffihússins tilvonandi.


Þarna rennir Skuldin sér inn í ferðaþjónustubæinn Húsavík og er þarna í hópi góðra skilta.

mynd: Heimir


Og svo liggur leiðinn niður fyrir bakkann

mynd: Heimir


Sigmar Stefánsson, einn af Reinarmönnum stjórnaði hífingu hússins á sinn stað

mynd: Heimir


Þarna er Skuldinni svo skellt á Svartabakka.

mynd: Heimir


Svartibakki er nýtt þjónustu hús Norður-Siglingar sem er enn í byggingu en þar stendur skuldin í miðjum bakkanum með góðum samgöngum til allra átta. Á myndinni má greina fleiri merk mannvirki svo sem Svartabakkabrú (2005), Húsavíkurkirkju (1907) og Vitann (1998), miðasölu Norður-Siglingar.

mynd: Heimir