Fréttir Norðursiglingar

Frá upphafi hvalaskoðunar á Húsavík hefur maímánuður aldrei verið jafn gjöfull. Lífríkið á flóanum hefur verið afar fjörugt, mikið af hnúfubökum, hrefnum og höfrungum, auk þess sem meira er af sjófugli en hefur verið í mörg ár.

Þetta er einkar ánægilegt fyrir alla þá ferðalanga sem lagt hafa leið sína út á Skjálfandaflóa nú í vor. Nú er bara að vona og sjá hvort að júní verður jafn örlátur og forveri hans.

Í gær byrjaði júní-áætlun Norður-Siglingar, en þá eru þrjár hvalaskoðunarferðir á dag, kl: 10:00, 13:30 og 20:15.
Veðurspáin fyrir helgina lofar okkur einstaklega fallegu og hlýju veðri og því hvetjum við alla sem eru á ferðinni hér fyrir norðan að nýta sér sólina og skreppa í hvalaskoðun og njóta veðurblíðunnar á sjónum.

Myndirnar hér að neðan eru teknar í ferðum Norður-Siglingar nú í maí af Heimi Harðarsyni og Þórunni Harðardóttur. KK



Tveir hnúfubakar að leik við einn af bátum Norður-Siglingar.


Mikil stemming skapast um borð þegar hvalir koma svona nálægt bátnum.


Hnúfubakur blæs við Bjössa Sör.


Áhugasamur ljósmyndari smellir af á réttu augnabliki.


Hægt er að þekkja einstaklinga á sérstöku mynstri sem myndast á sporðinum. Hér sést mynstrið greinilega og því ætti að vera hægt að þekkja þennan einstakling aftur.