Fréttir Norðursiglingar

Á dögunum var farin tímamótaferð á skonnortunni Hauk þar sem siglt var með 5 farþega í 3 daga úti fyrir norðurlandi m.a. til Grímseyjar og norður fyrir heimsskautsbaug. Ferðin verður vonandi fastur liður Norður-Siglingar á vorin og e.t.v. haustin á komandi árum og miðað við viðtökurnar sem ferðin fékk kæmi það ekki á óvart að hún mundi slá í gegn.

2 hollendingar, 2 bandaríkjamenn og 1 íslenskur blaðamaður skráðu sig í ferðina og í áhöfn voru 3 frá Norður-Siglingu, þeir Árni Sigurbjarnarson, Einar Ófeigur Magnússon og Nils B. Hailer.

Því miður átti undirritaður þess ekki kost að fara í þessa stórbrotnu ferð en athugasemdir farþeganna sem skildar voru eftir í skipsdagbókinni segja e.t.v. meira en mörg orð þess er ekki var viðstaddur:

"Frábært! Við fengum ótrúlega lífsreynslu í þessari einstöku ferð. Mér finnst ferðaáætlunin hafa verið úthugsuð því það var svo mikil fjölbreytni að okkur leiddist ekki eina mínútu."

"Algjörlega frábær túr fyrir mig. Ótrúlegur fjölbreytileiki náttúrunnar til skoðunar og sýnis fyrir þátttakendur."

"Áhöfnin var frábær! Ég lærði svo mikið um Ísland af þeim. Þeir voru allir mjög vingjarnlegir og hjálpsammir."

"Áhöfnin var besti hluti upplifunarinnar. Allir voru mjög vingjarnlegir, hjálpsamir og fróðir. Þeir létu mér líða eins og vini en ekki ókunnugum."

"Áhöfnin var æðisleg. Þeir aðstoðuðu, útskýrðu og fóru ávalt sem best með okkur. Þeir voru ávallt að bjóða okkur drykki og mat og höfðu sögur og brandara á reiðum höndum."

"Frábær þjónusta. Nils sýndi af sér listamanna hæfileika í eldhúsinu. Árni hélt þó “grillmeistara” titlinum auk þess að vera faglegur leiðtogi siglingarinnar. Mjög viljugur að leiðbeina um siglingatækni. Einar hélt um stýrið megnið af leiðinni og augljóslega hokinn af reynslu."



HH



Sjö af átta leiðangursmönnum á hafi úti. Fv. Einar, Árni, Ronald, Jeanette, Nils, Tony and Cindee.


Fyrsta daginn var áð í Flatey á Skjálfanda þar sem hádegisverður var snæddur, ótrúleg upplifun er að koma í þessa eyju þar sem byggð lagðist af árið 1968.


Árni hugar að reiðanum einhversstaðar úti fyrir Norðurlandinu.


Á Siglufirði var hið stórkostlega Síldarminjasafn heimsótt og fengu skipverjar sérstaklega góðar móttökur hjá Örlygi Kristfinnssyni forstöðumanni safnsins. Síldin kemur og fer svo niður í maga með brennivíni íslensku.


Nils fór á kostum í eldamennskunni og hlaut lof viðstaddra fyrir. Eitthvað hafði þó Börkur Emilsson og hans fólk á Gamla Bauk með þennan sigur að gera.


Hér sjást svo Einar og Árni, stýrimaður og skipper skála niður í káetu eftir góða dagleið.