Fréttir Norðursiglingar

Frá 20. júní er siglt daglega (kl. 17:00) í hina vinsælu "Hvali, lunda og segl" og fer hún vel af stað þetta árið en tvær ferðir hafa þegar verið farnar.

Enn hefur ekki ferð klikkað hjá Norður-Siglinu þetta sumarið og hnúfubakar sáust í öllum ferðum dagsins þrátt fyrir erfiðar aðstæður en þá er hvað mikilvægast að hafa á að skipa reyndu fólki á góðum bátum.

Norðanáttin sem ríkt hefur í dag virðist hinsvegar ekki ætla að verða langvarandi og ágætis tölur má lesa úr kortunum.

HH



Hér sjást kátir farþegar Hauks fram í stefni að skoða hnúfubak í annari ferð sumarsins sem naglarnir Einar Magnússon og Nils B. Hailer stýrðu af stakri snilld.


Fremur kuldalegt var á sjónum í dag en Norður-Sigling býður fólki afnot af kuldagöllum eða regnkápum ef með þarf og því þarf svolítill kuldi ekki að spilla góðri upplifun.