Fréttir Norðursiglingar

Mikið er um að vera á Norðurlandi í kringum Jónsmessuna þetta árið og hafa viðburðirnir verið sameinaðir undir hátíðina ‘Næturgaman á Norðurlandi’ (sjá nánar á www.nordurland.is)

Norður-Sigling hefur nú í nokkur ár skipulagt miðnætur siglingu til Grímseyjar í kringum Jónsmessuna og nú verður hún farin að kvöldi 24 júní. Fólki gefst kostur á að fara í landi í eynni og ganga norður fyrir Heimskautsbaug ásamt því að gæða sér á ljúffengri súpu áður en haldið er til baka.

Lagt verður af stað um 20:00 frá Húsavík og áætluð koma til Grímseyjar er á miðnætti. Þar verður boðið upp á léttar veitingar og farþegar fá tækifæri til að skoða eyjuna, njóta einstaks fuglalífs hennar og rölta norður fyrir Heimskautsbaug.

Um kl: 1:30 verður haldið til baka og áætlaður komutími til Húsavíkur er um 5:30.

Verð á mann er 6.000 kr. og innifalið er sigling, leiðsögn og léttar veitingar.

Nú er bara að biðja um bjart veður og lygnan sjó!

KK



Útsýnið er fallegt þegar siglt er á Skjálfandaflóa.


Skemmtileg stemming myndast oft um borð í bátum Norður-Siglingar, en einnig er pláss neðan þilja fyrir ferðalanga sem vilja ylja sér í kaldri golunni.


Sólarlagið á íslenskri sumarnótt er engu líkt