Fréttir Norðursiglingar

Eins og fram kom á vef Norður-Siglingar í vor var hinni 90 ára gömlu Skuld komið fyrir á Svartabakka.
Vinna við endurbætur á húsinu hefur staðið yfir meira og minna frá áramótum og lætur afraksturinn ekki á sér standa.

Café Skuld býður upp á úrvalskaffi eins og það gerist best ásamt ljúffengum tertum og smurbrauði. Þá er einnig boðið uppá léttvín og bjór og eiga gestir kaffihússins varla í vandræðum með að finna eitthvað við sitt hæfi.

Rekstur Café Skuldar er í höndum Heimabakarís og opnunartími er frá 8:30 á morgnana til 22 á kvöldin.



Huld H.



Hraðar hendur þurfti til sl. laugardag og hér má sjá þá Jón og Hilmar við pallasmíð.


Kl. 16 á laugardag opnaði svo Café Skuld formlega og tóku gestir og gangandi vel í þessa "enduruppteknu" Skuld.


Góð stemmning og almenn gleði á Svartabakka á laugardag.


Ekki skemmdi góða veðrið fyrir.


Fallegt útsýni er frá Svartabakka og má búast við iðandi mannlífi á hafnarsvæðinu í sumar.