Fréttir Norðursiglingar

Laugardaginn síðastliðinn var Café Skuld formlega opnað með pompi og prakt. Af því tilefni mætti Sigurjón Jóhannesson sem sem er hafsjór af fróðleik um sögu Húsavíkur og þ.a.l. sögu Skuldarinnar og fræddi opnunargesti. Norður-Sigling og Heimabakarí (rekstraraðili kaffihússins) buðu svo upp á drykk í tilefni opnunarinnar og Sigurður Illugason spilaði svo og söng fyrir gesti og gangandi.

Skuldin er ánægjuleg viðbót við þá matsölustaði sem fyrir eru í bænum og er vonandi að kaffihúsið verði vinsælt meðal heimamanna ekki síður en erlendra gesta og innlendra.

Þó að frágangi á útisvæðinu í Svartabakka, en svo nefnist hús það og/eða svæði er Skuld stendur á, sé hvergi nærri lokið stendur það allt til bóta og verður frágangi svæðisins vonandi endanlega lokið fyrir Mærudaga/Sænska daga í lok mánaðarins.

HH



Sigurjón Jóhannesson sagði skemmtilega frá húsinu og sögu þess.


Sjá má að nokkuð er eftir við frágang í Svartabakka en hönnun svæðisins er nú í fullum gangi.


Ekki er dónalegt útsýni frá veröndinni.


Siggi Illuga spilaði og söng.


Meðal leiðsögumanna Norður-Siglingar leynast m.a. listamenn og þarna sést ein af þeim, Sara Tobiason frá Finnlandi en hún mun á næstu dögum og vikum hafa yfirumsjón með stóru útilistaveggi á vegg verbúðanna gegnt Skuld.