Fréttir Norðursiglingar

Norður-Sigling fer nú tvær ferðir á dag í hina vinsælu ferð Hvali, lunda & segl sem farin er á Skonnortunni Hauk. Þessi ferð hefur verið afar vinsæl það sem af er sumri en í henni fá farþegar að fara í hvalaskoðun, upplifa lundamergðina í Lundey og sigla seglum þöndum á einu skonnortu Íslands.

Þessi ferð hefur reynst vera skemmtileg viðbót við hinar hefðbundnu hvalaskoðunarferðir Norður-Siglingar og hefur borið á því að sömu farþegar hafi farið bæði í NS-1 (venjulega hvalaskoðun) og NS-2.

Hvalaskoðun hefur gengið mjög vel undanfarið og í dag hafa sést Steypireiðar, Hnúfubakar, hrefnur og Höfrungar og við Lundey er alveg sérstaklega líflegt fuglalíf þessa dagana.

Við hjá Norður-Siglingu viljum hvetja Íslendinga sérstaklega til að nýta sér þetta einstaka tækifæri að sigla á hefðbundinni skútualdarskonnortu og fá tækifæri á að spreyta sig við að hífa upp seglin.

Meðfylgjandi eru nokkrar myndir sem teknar voru á dögunum.

ÞH



Hér sést Steypireiður við stefnið á Hauk sumarið 2005
Mynd: Einar Ó. Magnússon


Mynd: Þórunn Harðardóttir


Mynd: Þórunn Harðardóttir


Mynd: Þórunn Harðardóttir


Mynd: Þórunn Harðardóttir


Mynd: Þórunn Harðardóttir