Fréttir Norðursiglingar

Hvalaskoðun á Skjálfanda hefur gengið framar öllum vonum síðustu daga og vikur. Eins og áður hefur komið fram er þetta besta sumarbyrjun í sögu Norður-Siglingar hvað varðar hvali og lífríki í flóanum. Síðustu daga hafa steypireyðar sést í nánast hverri ferð og hnúfubakarnir hafa ekki yfirgefið flóann síðan í byrjun vertíðar. Í morgun fann áhöfnin á m/b Knerrinum 70-100 blettahnýða (höfrunga) sem sýndu listir sínar, stukku hvað eftir annað fyrir áhorfendur, syntu undir stefni bátsins og sýndu bátnum virkilegan áhuga.


Eftirfarandi myndir voru teknar af Hilmari Vali Gunnarssyni leiðsögumanni Norður-Siglingar í morgun.



Huld H.



Blettahnýðar sýna listir sínar.


Stökkvandi höfrungur.


Hnúfubakur með “bægslagang”.


Rólegur hnúfubakur með opinn faðminn.


Steypireyð á Skjálfanda.