Fréttir Norðursiglingar

Lífríkið á Skjálfandaflóa er ævintýri líkast þetta sumarið og njóta farþegarnir þess í alla staði. Margir ferðamenn fara í fleiri en eina ferð og á þriðjudaginn var fóru hjón í fjórar ferðir með Norður-Siglingu sama daginn! Þau sögðu að það sjá Steypireyðar í aðeins nokkra metra fjarlægð væri einstök lífsreynsla og ólíklegt að þau myndu upplifa þetta aftur á lífsleiðinni. Því ákváðu þau að skella sér í eins margar ferðir og mögulegt var á einum degi.

Ekki má gleyma ‘minni’ hvölunum í allri þessari umfjöllun um steypireyðar en í mörgum ferðum s.l. daga hafa sést fjórar tegundir, auk steypireyðanna; hnúfubakar, höfrungar og hrefnur. Norður-Sigling vill hvetja ferðafólk til að nýta sér tækifæri til að sjá þessar stærstu skepnur jarðarinnar og njóta nærveru þeirra. Farþegum Norður-Siglingar sem fara í fleiri en eina ferð er boðinn sérstakur 10% afsláttur.

Myndirnar hér að neðan eru úr safni Norður-Siglingar og eru ljósmyndararnir Hilmar Gunnarsson, Einar Magnússon, Þórunn Harðardóttir og Heimir Harðarson.

KK