Fréttir Norðursiglingar

Húsavíkurhátíð var sett með formlegum hætti í gær (mánud.) í Safnahúsinu á Húsavík. Það var forseti Íslands, Hr. Ólafur Ragnar Grímsson sem setti hátíðina og opnaði um leið sænska glerlistasýningu frá Hönnunarsafni Íslands.

Fjölbreytt dagskrá hefur verið í gangi þessa tvo fyrstu daga hátíðarinnar og má þar nefna siglinganámskeið, sirkusnámskeið og listasmiðju og hefur aðsókn á þau verið framar vonum. Það sama má segja um mætingu á tónleika jazzsveitarinnar Blue Brazil á mánudagskvöldið þar sem Skipasmíðastöðin var þéttsetin stórhrifnum tónleikagestum. Nú í kvöld var svo að ljúka tónleikum Láru Rúnarsdóttur og var einnig vel mætt á þá tónleika og góð stemning í salnum. Fyrr í kvöld fylltu sirkusfólkið Henna og Ola salinn í Borgarhólsskóla þar sem þau sýndu atriði úr sýningunni Med Andra Ord.

Dagsrkáin heldur áfram á morgun og má m.a. nefna Listasmiðju, fyrirlestur um sænskan samtímaarkítektúr, leiksýningu Kláusar, Kveðanda & Strákabandið og Blúsvíkinga á tónleikum.

Dagskrá hátíðarinnar má nálgast á www.nordurthing.is