Fréttir Norðursiglingar

Í ljósi ákvörðunar sjávarútvegsráðherra, Einars K. Guðfinnssonar, að leyfa hvalveiðar í atvinnuskyni telur Norður-Sigling mikilvægt að eftirfarandi komi fram:

• Norður-Sigling Ehf. hefur frá árinu 1995 flutt 220.000 farþega, þar af um 90% erlenda ferðamenn, í hvalaskoðun á Skjálfandaflóa.

• Norður-Sigling neitar að fallast á þá skilgreiningu stjórnvalda að það sé “skylda okkar og réttur” að nýta stórhveli við Íslandsstrendur. Um er að ræða farhvali sem fæðast og alast að miklu leyti á hafsvæðum annarra landa.

• Norður-Sigling vísar á bug einföldum “jafnvægiskenningum” stjórnvalda og kallar eftir mati óháðra og þar með trúverðugra vísindamanna á áhrifum hvalastofna á nytjastofna. NS telur stórlega ýktar tölur hafrannsóknarstofnunar um fjölda hvala við Íslandsstrendur. Ljóst er að ekki eru allir líffræðingar á eitt sáttir um fjölda þeirra.

• Norður-Sigling fordæmir að sjávarútvegsráðherra taki þessa ákvörðun án þess að ráðfæra sig við hagsmunaaðila svo sem ferðaþjónustu og aðrar útflutningsgreinar enda hafi hún skaðleg áhrif í för með sér.

• Norður-Sigling álítur að veiðar þessar séu keyrðar áfram af tilfinningalegum rökum en hvorki efnahagslegum né líffræðilegum.  

• Norður-Sigling telur að hvalastofnar við Ísland séu nú þegar nýttir á sjálfbæran hátt með hvalaskoðun en sú afþreying hefur verið í hvað mestum vexti innan íslenskrar ferðaþjónustu síðustu ár. Norður-Sigling telur sjálfbærustu sem og arðbærustu nýtingu hvalastofna við Íslandsstrendur vera þá að sýna þá. Það skapar tekjur, störf og er í samræmi við þá ímynd sem ferðaþjónustan í samvinnu við stjórnvöld hefur byggt á undanförnum árum. Norður-Sigling hafnar þeim rökum að það sé sjálfbært að veiða skepnurnar sérstaklega ef það er í andstöðu við alþjóðasamfélagið.

• Norður-Sigling er ekki sammála þeim rökum að veiðarnar hafi ekki áhrif á þá afþreyingarferðaþjónustu sem hvalaskoðun er. Þó svo að komum erlendra ferðamanna til Íslands hafi fjölgað meira en þeim sem hafa afboðað ferðir sínar í mótmælaskyni við vísindaveiðarnar, sem hafa staðið frá árinu 2003, finnur fyrirtækið fyrir breytingum á hegðun hrefna. Fyrirtækið hefur aldrei sýnt færri hrefnur en einmitt síðustu tvö sumur eftir að vísindaveiðar á hrefnu hófust og þau dýr sem sjást eru erfiðari viðureignar.

HH



Matvælavinnsla Íslendinga árið 2006


3 helstu baráttumenn hvalveiða við Íslandsstrendur? Fv. Einar K. Guðfinnsson Sjávarútvegsráðherra, Kristján Loftsson eigandi Hvals hf. og Halldór Blöndal fyrrverandi hvalskurðarmaður.


Langreyður á Skjálfanda sumarið 2004