Fréttir Norðursiglingar

Föstudagskvöldið 23. mars verður heldur betur jazzað í Gamla Bauk. Þar er á ferðinni Tríó Björns Thoroddsen ásamt Andreu Gylfadóttur.

Opið verður í mat á Gamla Bauk að því tilefni á föstudaginn frá kl. 18:00-20:30.

Betri Bragur í Bauk er stutt dyggilega af nokkrum fyrirtækjum hér í bæ sem láta sér annt um menningarlíf staðarins, en þau eru auk Norður-Siglingar, Bókabúð Þórarins Stefánssonar, GPG fiskverkun, Glitnir og Prentstofan Örkin. Um rekstur Bauksins og umsjá menningarhátíðarinnar sjá svo Sölkuveitingar sem reka Gamla Bauk en Norður-Sigling kom einnig að undirbúningi sem og hönnun kynningarefnis.

Það ætti enginn að láta þessa frábæru dagskrá fram hjá sér fara.

ÞH