Fréttir Norðursiglingar

Það er ekki oft sem fagna má því að aukið sé við skuld. Þegar klósetti var bætt við kaffihúsið Skuld var hinsvegar ástæða til að fagna. Kaffihúsið, sem hlaut einstaklega góðar viðtökur síðasta sumar og nú um jólin, vantaði satt að segja sárlega klósett og nú hefur verið bætt úr því.

Það er okkar von að þessari skuldaraukningu verði vel tekið og að Húsvíkingar verði duglegir að nýta sér kaffihúsið. Heimabakarí mun sem fyrr reka Skuld og verður hægt að gæða sér á hinu ýmsa góðgæti frá þeim. Nú í sumar verður opnunartími einnig lengdur frá því í fyrrasumar til að reyna að glæða lífi í kaffihúsamenningu bæjarins.

HSH