Fréttir Norðursiglingar

Síðan Norður-Sigling hóf hvalaskoðunarvertíð sína hefur Hnúfubakur verið algengasta hvalategundin sem sýnd hefur verið en hrefnan fylgir fast á hæla hans. Fyrstu daga vertíðarinnar sáust einnig Steypireiðar og er það von okkar að þær muni snúa aftur þó aldrei sé hægt að spá fyrir um hvað hver ferð mun gefa af sér. Einnig hefur sést til höfrunga og hnísa þannig að í það heila eru komnar 5 tegundir í skipsdagbækur Norður-Siglingar.

Fuglalífið á Skjálfanda er að auki að kvikna og vinsælustu fuglarnir, Lundar, eru nú byrjaðir að flykkjast að Lundey. Við hvetjum áhugasama til að hafa samband við okkur til að bóka og fá upplýsingar um það hvað sést hefur í ferðum okkar, hvernig veðrið er og fleira. Síminn er: 4647272.

HSH



Hnúfubakar eru í meirihluta á Skjálfandaflóa


Steypireyður kemur upp að bát Norður-Siglingar