Fréttir Norðursiglingar

Bjössi Sör sigldi út á Skjálfandaflóa með 35 farþega kl 10 í morgun í logni og blíðu. Í ferðinni sáust alls fimm tegundir hvala, Hnísur, Höfrungar, Hrefna, þrír Hnúfubakar og loks stærsta spendýr veraldar, Steypireyður.


Steypireyðurin sýndi allar sínar bestu hliðar og lyfti tignarlegum sporðinum nánast í hvert skipti sem hún stakk sér í djúpkaf.


Hnúfubakarnir voru í æti rétt undir yfirborðinu en þó gaf einn sér tíma til að koma upp að hlið bátsins og heilsa upp á áhugasama farþega.


Meðfylgjandi myndir voru teknar í þessari viðburðaríku morgunferð af einum af ljósmyndara Norðursiglingar, Hilmari Val Gunnarssyni.




HVG



Steypireyður lyftir sporðinum tignarlega.




Hér sjást Kinnarfjöllin í baksýn.


Hnúbbi heilsar upp á farþegana.