Fréttir Norðursiglingar

Í gærmorgun, kl 10:00, tókum við forskot á sæluna og fórum með 24 hressa Hollendinga í NS-2 ferð. Í þessum ferðum er boðið upp á hvali, Lunda og segl á skonnortunni Hauk. Áætlaðar ferðir hófust svo kl: 17:00.

Með sanni má segja að ferðin hafi verið frábær. Byrjað var á að sigla að Lundey, sem skartaði sínu fegursta og iðaði af lífi. Því næst var farið á hvalaslóðir og ekki leið á löngu þangað til farþegarnir voru umkringdir stórhvelum. Alls sáust 4 Steypireyðar, 7 Hnúfubakar, 4 Hnísur og ein Hrefna.

Á heimleiðinni voru svo segl dregin upp og farþegar nutu veitinga um borð í blíðunni. Topp ferð í alla staði og óhætt að segja að NS-2 byrji vel.

Eftirfarandi myndir voru teknar af leiðsögumanni ferðarinnar, Himma.


HVG



Steypireyður lyftir sporði.


Tvær Steypireyðar komu upp á sama tíma rétt við bátinn, með Kinnarfjöllin í baksýn.


Reynt að fanga augnablikið á stafrænt form.


Blíðskapar veður og stærsta dýr veraldar.