Fréttir Norðursiglingar

Ekkert lát er á fjörinu í Skjálfandaflóa þessa dagana. Steypireyðar og hnúfubakar leika á alls oddi og höfrungar og hrefnur vekja kátínu inn á milli.

Í gær var veðrið samt ekki alveg nógu gott, norðan átt og töluverður sjór, sem leiddi til þess að aðeins voru farnar tvær ferðir. Í þeim náðist hins vegar frábær árangur, fundum myndarlega Höfrungahópa og svo heljarstóra hnúfubaks mömmu með kálfinn sinn sér við hlið.

Í dag var aftur á móti blíðuveður og fóru allir bátar Norðursiglingar út, fullir af fólki, og sýndu fjórar tegundir hvala.

Meðfylgjandi myndir voru teknar af Hilmari Val Gunnarssyni í túrum gærdagsins.


HVG



Hnúfubaks mamman og kálfurinn að stinga sér í kaf.






Vel dúðaðir farþegar njóta stórskemmtilegar sýningar frá hnúfubökunum.