Fréttir Norðursiglingar

Óhætt er að segja að fjölbreytni hafi verið í fyrirrúmi á sunnudagsmorguninn sl. þegar 5 bátar á vegum Norður-Siglingar sigldu af stað með vel á þriðja hundrað farþega.

Húni II sem hefur verið leigður tímabundið frá Akureyri sigldi hátt í 80 manns í Grímsey, Knörrinn sigldi með hóp frá Ferðafélagi Akureyrar í Flatey, Haukur sigldi að Lundey og svo sem leið lá á hvalaslóðir í ferðinni "Hvalir, lundar og segl" og Bjössi Sör og Náttfari fóru í hefðbundna hvalaskoðunarferð.

Allar ferðir gengu vel og meðal annars sáu farþegar Húna til Steypireyða á Grímseyjarsundinu en þær hafa ekki sést inni á flóanum í nokkra daga.

HH



Farþegar ganga yfir Náttfara og yfir á Húna II


Haukurinn á fullri ferð undir fullum seglum í ferðinni vinsælu, "Hvalir, lundar og segl"


Hnúfubakur sýnir sig við Náttfara


Húni kemur að landi úr Grímsyejarferðinni.