Fréttir Norðursiglingar

Mikilvægt er að hafa góða björgunarsveit á stað eins og Húsavík og ekki síst í seinni tíð þegar ferðir með farþega á sjó eru orðnar fleiri en víðast hvar annarsstaðar á landinu.

Norður-Sigling leggur áherslu á að vinna þétt með þeim í Björgunarsveitinni Garðari og var æfing haldin nú á dögunum í þeim tilgangi að samhæfa neyðarviðbrögð.

Sjúkrabörum var komið fyrir í einum hvalaskoðunarbátanna og æfði áhöfn Jóns Kjartanssonar það að koma lækni og sjúkraflutningamönnum um borð á fullri ferð og koma svo "sjúklingnum" frá borði niður í björgunarsveitarbátinn.

Æfingarnar tókust mjög vel og vonandi verða haldnar fleiri æfingar áður en langt um líður.

HH



Sjúkraflutningamenn og björgunarsveitarmeðlimir komnir um borð í Bjössa Sör til að undirbúa æfinguna.


Jón Kjartansson á ferðinni.


Glaðbeittir björgunarsveitarmenn koma að skipshlið enda sem betur fer einungis um æfingu að ræða.