Fréttir Norðursiglingar

Það eru ekki bara hvalir sem gleðja farþegar Norður-Siglingar með nærveru sinni á Skjálfanda. Fuglar, marglyttur og jafnvel selir eiga það einnig til að fanga athygli gesta og áhafnar.
Það er þó sjaldan sem slík dýr taka virkan þátt í ferðinni en fyrr í sumar gerðist ungur og forvitinn rituungi hálfgerður laumufarþegi um borð, þar sem hann settist á höfuð eins farþegans.

Ekki er vitað hvort liturinn á húfunni hafi haft eitthvað að segja um lendingarstað eða hvort unginn hafi látið heillast af ræðu leiðsögumanns um borð. Víst er þó að honum líkaði dvölin vel og sýndi hann lengi vel ekki á sér fararsnið!

Koma ritunnar vakti einnig sérstaka ánægju fuglaáhugamanna Norður-Siglingar, þar sem brýn ástæða er til áhyggja af viðkomu hennar hér við land vegna fæðuskorts.


Eftirfarandi myndir fékk Nordur-Sigling sendar frá einum af farþegum sumarsins.



Huld H.



Óvænt lendingarstopp á gulu húfunni.


Unginn virðist vera nokkuð velkominn!


Hlæjandi lendingarpallur :)


Ekkert fararsnið! "Hér er gott að vera!"