Fréttir Norðursiglingar

Nýlega var hafist handa við breytingar á nýjasta bát Norður-Siglingar en sá mun heita Garðar í höfuðið á landnámsmanninum Garðari Svavarssyni. Garðar var smíðaður í Esbjerg í Danmörku, þá sem "Sveinbjörn Jakobsson" árið 1963-1964 og var í eigu sömu fjölskyldu á Ólafsvík í rúm 42 ár eða allt þar til Norðursigling eignaðist hann fyrir ári síðan.

Vonast er til að breytingarnar geti farið að mestu eða öllu leyti fram á Húsavík en togbrautin sem Húsavíkurslippur ehf. rekur er þó á mörkunum að geta tekið svo stór báta sem Garðar.

Hægt verður að fylgjast með framgangi breytinganna á vef Norður-Siglingar í vetur.



Garðar með Náttfara utan á sér í Húsavíkurhöfn þar sem breytingar ekki ósvipaðar þeim er Náttfari gekk í gegnum á sama stað fyrir 9 árum.


Byrjað var á að hífa allt af dekkinu og þarna svífur lestarlúgan í land.