Fréttir Norðursiglingar

Ekkert lát er á fjörinu í Skjálfandaflóa þessa dagana. Steypireyðar og hnúfubakar leika á alls oddi og höfrungar og hrefnur vekja kátínu inn á milli.

Hinn 7 mánaða gamli Hilmar Sær skellti sér í hvalaskoðun í gær. Hilmar Sær er 4 ættliður "Norður-Siglara" í karllegg.

Í gærmorgun, kl 10:00, tókum við forskot á sæluna og fórum með 24 hressa Hollendinga í NS-2 ferð. Í þessum ferðum er boðið upp á hvali, Lunda og segl á skonnortunni Hauk. Áætlaðar ferðir hófust svo kl: 17:00.

Í gærkvöld syntu sem endranær steypireyðar og hnúfubakar um Skjálfandaflóa og böðuðu sig í geislum kvöldsólarinnar. RÚV, eða öllu heldur Hilda Jana fréttakona og Jóhann myndatökumaður fengu að fljóta með Norðursiglurunum Heimi og Hilmari út á flóann á skonnortunni Hauk... í ævintýraleit.

Bjössi Sör sigldi út á Skjálfandaflóa með 35 farþega kl 10 í morgun í logni og blíðu. Í ferðinni sáust alls fimm tegundir hvala, Hnísur, Höfrungar, Hrefna, þrír Hnúfubakar og loks stærsta spendýr veraldar, Steypireyður.

Í gærkvöld var ein af þessum ferðum sem menn eiga trúlega seint eftir að gleyma, þ.e. þeir sem mundu á annað borð eftir að fara í ferðina.

Trúlega hefur nú verið slegið met í hvalaskoðun á Skjálfanda en síðan hún hófst árið 1995 hafa ekki svo vitað sé sést 6 tegundir hvala á einum degi.

3 Steypireyðar sáust hjá Norður-Siglingu í dag og svo skemmtilega vildi til að ljósmyndarar fyrirtækisins voru á ferð í útsýnisflugi á vegum Fjarðaflugs sem hefur nú hafið flugrekstur á Húsavíkurflugvöll.

Dagskrá Sjómannadagsins sem að fer að venju fram á laugardeginum fór fram í blíðskaparveðri og miklum hita á Húsavík í dag.

Norður-Sigling sendi að venju Náttfara í skemmtisiglinguna en því miður komust færri að en vildu þar sem Bjössi Sör var upptekinn í hvalaskoðun og Knörrinn og Haukur rétt ókomnir með haffæri.