Fréttir Norðursiglingar

Fyrsta kvöldferð sumarsins á Skjálfanda fór vel fram og sáust 2 hnúfubakar í kvöldsólinni sem var mjög gott þar sem ekki hafði sést hnúfubakur síðan á sunnudaginn síðasta.

Ekki létu leiðsögumaðurinn Nils og skipperinn Hreiðar þetta nægja því í hafnarkjaftinum fundu þeir 6 höfrunga sem léku við bátinn um stund.

Vegna eftirspurnar hefur Norður-Sigling ákveðið að setja upp morgunferð klukkan 09:30 út maímánuð eða þangað til morgunferðirnar byrja í raun á áætlun.

Eins og áður hefur komið fram hefur sumarið farið afar vel af stað og hvalasýn verið með góðu móti. Í flestum ferðum hafa sést fleiri en ein tegund og hafa hnúfubakar verið þar algengasta sjónin.

Síðan Norður-Sigling hóf hvalaskoðunarvertíð sína hefur Hnúfubakur verið algengasta hvalategundin sem sýnd hefur verið en hrefnan fylgir fast á hæla hans. Fyrstu daga vertíðarinnar sáust einnig Steypireiðar og er það von okkar að þær muni snúa aftur þó aldrei sé hægt að spá fyrir um hvað hver ferð mun gefa af sér. Einnig hefur sést til höfrunga og hnísa þannig að í það heila eru komnar 5 tegundir í skipsdagbækur Norður-Siglingar.

Í gær fylktu liði nokkrir Húsvískir ferðaþjónustuaðilar og héldu til Reykjavíkur.

Nú á dögunum sóttu starfsmenn Norður-Siglingar tveggja daga námskeið í neyðar- og hópstjórnun hjá Slysavarnarskóla sjómanna.

Það má með sanni segja að það sé mikið að gera hjá Norður-Siglingu í upphafi hverrar vertíðar. Starfsmenn fyrirtækisins eru þó ekki einungis uppteknir við að sigla og sýna hvali. Verklegar framkvæmdir eru einnig þó nokkrar og taka sinn tíma.