Fréttir Norðursiglingar

Sólin skín á Húsavík og vorið liggur í loftinu. Það er okkur sönn ánægja að tilkynna að fyrsta brottför sumarsins verður í fyrra fallinu eða þ. 20. apríl kl. 13:30 og verða daglegar brottfarir á þeim tíma út apríl.

Föstudagskvöldið 23. mars verður heldur betur jazzað í Gamla Bauk. Þar er á ferðinni Tríó Björns Thoroddsen ásamt Andreu Gylfadóttur.

Þessa dagana vinna Norður-Siglingarmenn hörðum höndum að því taka í notkun nýtt rými í Svartabakka á hafnarsvæðinu. Þar er meiningin að opna í sumar skrifstofurými sem og aukið geymslupláss fyrir veitingahúsið Gamla Bauk en Svartibakki er einmitt staðsettur steinsnar fyrir aftan Gamla Bauk.

Eins og fram kom í síðasta Skarpi stendur Gamli Baukur fyrir menningardagskrá á Gamla Bauk, undir formerkjunum “Betri Bragur í Bauk,” þar sem boðið verður upp á tónlist og mat við hæfi.