Fréttir Norðursiglingar

Í janúar síðastliðnum fór fríður flokkur á vegum Norður-Siglingar til Lundúna til þess annarsvegar að taka þátt í Ævintýraferðasýningu og hinsvegar til þess að fara á hina gríðarstóru "Lundúna Bátasýningu" eða London Boat Show.

Þessa dagana er verið að undirbúa komandi vertíð og felst sá undirbúningur m.a. í slipptöku og árlegu viðhaldi á bátum félagsins. Það var í lok janúar sem Bjössi Sör var tekinn í slipp og munu hinir bátar Norður-Siglingar einnig verða teknir upp einn af öðrum fyrir sumarið.

Föstudagskvöldið 26. janúar sl. kom Norður-Siglingarfólk saman í Skipasmíðastöðinni og blótaði þorrann. Þar var saman kominn föngulegur hópur vetrar- og sumarstarfsfólks ásamt velunnurum og með mökum voru þetta tæplega 40 manns.