Fréttir Norðursiglingar

Eftir ævintýralega siglingu frá Húsavík til Reykjavíkur er skonnortan Haukur nú loks komin í Reykjavíkurhöfn á ferð sinni í kringum landið.

Á meðan sumarið er að syngja sitt síðasta á Húsavík og aðeins rúm vika er eftir af skipulögðum hvalaskoðunarferðum er farið að huga að næsta ári sem verður það 13. í sögu félagsins.

Undanfarna daga hafa sést Grindhvalir á Skjálfandaflóa en það er mjög sjaldgæft að þeir leggi leið sína inn á flóann.

Í dag bárust svo þær fréttir að Andarnefja hefði bæst í hóp þessara sjaldséðu gesta.

Föstudaginn 8. september mun Haukur leggja af stað til Reykjavíkur þar sem mun verða ,,opið hús” í tengslum við ferðakaupstefnuna Vestnorden sem haldin verður í byrjun næstu viku. Þessa dagana eru Norður-Siglingarmenn í óða önn að undirbúa ferðina, gera smávægilegar umbætur og yfirfara reiðann.