Fréttir Norðursiglingar

Hér má sjá fleiri myndir frá árshátíðinni.

Árleg árshátíð Norður-Siglingar var haldin með pompi og prakt í gærkvöldi. Eins og undanfarin ár var haldið af stað í óvissuferð og voru um 30 manns mættir fyrir utan Gamla Bauk kl.17. Að þessu sinni var ferðinni heitið niður að ósi Laxár, nánar tiltekið í fjöruna undir Ærvíkurbergi þar sem búið var að hlaða bálköst og útbúa sæti úr rekaviðardrumbum og bobbingum fyrir gestina.

Hvalaveislan virðist engan enda ætla að taka á Skjálfandaflóa og hafa hnúfubakar enn leikið stóra rullu í ferðum okkar.

Einn af þeim hefur þótt stökkglaðari en aðrir og varla liðið sá dagur að hann stökkvi ekki, farþegum til ómældrar ánægju.

Í morgun náði þó sýningin hámarki sínu þegar þessi ágæti hvalur stökk á að giska 300 sinnum fyrir farþega nokkurra báta.

Ævintýrið í "hvalaparadís" heldur áfram og síðustu daga hafa hnúfubakar verið í aðalhlutverki ásamt hrefnum.

Þeir sem áttu leið um hafnarsvæðið síðustu daga júlímánaðar hafa eflaust rekið augun í tveggja mastra seglbát sem lá við höfnina. Þar var á ferðinni Dagmar Aaen, Þýskur kútter, sem byggður var í Esbjerg í Danmörku árið 1931.

Í síðustu viku bauð Norður-Sigling starfsfólki sínu og starfsfólki Hvalasafnsins í siglingu grill.

Hin svokallaða Húsavíkurhátíð var haldin með pompi og prakt vikuna 24. til 30. júlí. Um 4000 manns eru taldir hafa sótt Húsavík heim um helgina þegar hátíðin náði hámarki.

Oft á tíðum bregða hvalirnir á leik og er þá oft erfitt að gera greinamun á því hver er að skoða hvern. Þetta var einmitt tilfellið þegar Himmi, leiðsögumaður Norður-Siglingar var með myndavélina á lofti og náði þessum frábæru myndum!