Fréttir Norðursiglingar

Afar líflegt hefur verið fyrir neðan bakkann á Húsavík í dag og fjöldi ferðamanna spókað sig um á hafnarsvæðinu í sól og sumaryl. Reyndar var hitinn það mikill að kröftugur hitaskúr skellti sér yfir víkina og bleytti upp í mannskapnum rétt sem snöggvast.

Mikið hefur verið um sérferðir hjá Norður-Siglingu síðustu daga og óhætt er að segja að ferðirnar hafi verið eins fjölbreyttar og þær voru margar.

Ekki er hægt að segja annað en að brjálað hafi verið að gera hjá Norður-Siglingu síðustu daga og hvalaveislan heldur áfram.

Í kvöld sigldu Hrólfur og Hilmar Valur á vit ævintýranna með 50 farþega á Bjössa Sör, þar af sjónvarps fólk frá þýskri sjónvarpsstöð.

Eins og fram kom á vef Norður-Siglingar í vor var hinni 90 ára gömlu Skuld komið fyrir á Svartabakka á hafnarsvæðinu.
Vinna við endurbætur á húsinu hefur staðið yfir meira og minna frá áramótum og lætur afraksturinn ekki á sér standa.

Í morgun sáu þrír bátar Norður-Siglingar 3 steypireyðar og 3 hnúfubaka auk þess sem sást glitta í hrefnu.

Steypireyðar eru sem kunnugt er stærstu dýr jarðar og mikil forréttindi að sjá þær.

Mikið er um að vera á Norðurlandi í kringum Jónsmessuna þetta árið og hafa viðburðirnir verið sameinaðir undir hátíðina ‘Næturgaman á Norðurlandi’ (sjá nánar á www.nordurland.is)
Norður-Sigling hefur nú í nokkur ár skipulagt miðnætur siglingu til Grímseyjar í kringum Jónsmessuna og nú verður hún farin að kvöldi 24 júní.

Frá 20. júní er siglt daglega (kl. 17:00) í hina vinsælu "Hvali, lunda og segl" og fer hún vel af stað þetta árið en tvær ferðir hafa þegar verið farnar.

Enn hefur ekki ferð klikkað hjá Norður-Siglinu þetta sumarið og hnúfubakar sáust í öllum ferðum dagsins þrátt fyrir erfiðar aðstæður en þá er hvað mikilvægast að hafa á að skipa reyndu fólki á góðum bátum.

Fyrr í vikunni héldu Norður-Sigling og veitingastaðirnir Gamli Baukur og Salka sameiginlegt starfsmannapartý. Það er óhætt að segja að þar hafi verið glatt á hjalla og mikið spilað, sungið og spjallað.

Á dögunum var farin tímamótaferð á skonnortunni Hauk þar sem siglt var með 5 farþega í 3 daga úti fyrir norðurlandi. Ferðin verður vonandi fastur liður Norður-Siglingar á vorin og e.t.v. haustin á komandi árum og miðað við viðtökurnar sem ferðin fékk kæmi það ekki á óvart að hún mundi slá í gegn.

2 hollendingar, 2 bandaríkjamenn og 1 íslenskur blaðamaður skráðu sig í ferðina og í áhöfn voru 3 frá Norður-Siglingu, þeir Árni Sigurbjarnarson, Einar Ófeigur Magnússon og Nils B. Hailer.

Stutta brælu gerði í gær sem kom í veg fyrir að hvalaskoðunarbátum gæti verið haldið úti og datt hitastigið niður um einar 20 gráður eða niður undir frostmark.

Ekkert lát er á stórhvalagengdinni í Skjálfandaflóa og nú er svo komið að varla þarf að fara út úr höfninni til þess að skoða stórhvelin. Jafnvel hafa forsvarsmenn Norður-Siglingar farið að óttast hið versta og velt því fyrir sér hvort bátarnir verði ekki nauðsynlegir heldur nóg að rölta fram bryggjuna.

Aldrei áður hefur annað eins magn af hnúfubökum sést í ferðum Norður-Siglingar en í gærkvöld sáust allt að 10 hnúfubakar ásamt 3-4 hrefnum. Tveir bátar voru úti í gærkvöld í þessari miklu miðnætursólar hvalaveislu en það voru skonnortan Haukur og Bjössi Sör og nutu farþegar ólýsanlegs sjónarspils kvöldsólar og blásandi stórhvela.

Frá upphafi hvalaskoðunar á Húsavík hefur maímánuður aldrei verið jafn gjöfull. Lífríkið á flóanum hefur verið afar fjörugt, mikið af hnúfubökum, hrefnum og höfrungum, auk þess sem meira er af sjófugli en hefur verið í mörg ár.