Fréttir Norðursiglingar

Kaffihúsið Skuld sem stendur í Svartabakka hefur á aðventunni verið jólaljósum og greinum skreytt og nefnist verkefnið sem Heimabakarí og Norður-Sigling standa sameiginlega að Jóla-Skuld.

Á haustmánuðum, eða þegar skonnortan Haukur sigldi umhverfis landið var komið inn til Ólafsvíkur og legið þar utan á glæsilegu eikarskipi. Kunningsskapur tókst með eigendum skipanna tveggja og úr varð að Norður-Sigling festi nokkru síðar kaup á skipinu, Sveinbirni Jakobssyni eldri.

Í ljósi ákvörðunar sjávarútvegsráðherra, Einars K. Guðfinnssonar, að leyfa hvalveiðar í atvinnuskyni telur Norður-Sigling mikilvægt að eftirfarandi komi fram:

Fyrir hádegi á mánudaginn síðastliðinn leið skonnortan Haukur inn í Húsavíkurhöfn með öll segl uppi og dautt á vél og lagðist þannig að bryggju eftir viðburðarríka hringferð í kringum landið.

Upphaflega var áætlað að vera með Haukinn á Vestnorden ferðasýningunni í Reykjavík þann 11-13. september sl. og sigla svo til Færeyja en skipið lagði úr höfn á Húsavík föstudaginn 8. september. Vonskuveður við Vestfirði hamlaði för og var Haukur skilinn eftir á Siglufirði og fór því Norður-Sigling skonnortulaus á Vestnorden að þessu sinni.

Nú má segja að það sé orðin hefð við Borgarhólsskóla að sigla með unglingadeildir að hausti á bátum Norðursiglingar um Skjálfandaflóa. Í haust var siglt þriðjudaginn 3. október. Fyrst var siglt haustið 2003 og þá út í Flatey. 2004 var farið í Naustavík og 2005 var siglt út með Tjörnesi. Núna var aftur siglt út í Flatey. Ætlunin er að halda þessu ferðaplani þannig að þeir sem brautskrást frá Borgarhólsskóla séu a.m.k. þrísigldir á Skjálfanda.

Þegar þetta er skrifað er skonnortan Haukur á siglingu skammt undan Breiðdalsvík fyrir austan land og styttist því í að hringferðinni ljúki.

Haukur lagði frá bryggju á Húsavík 8. september sl. í hringferð kringum landið og hafa viðkomustaðir verið nokkrir, m.a. Siglufjörður, Ísafjörður, Bolungarvík, Ólafsvík, Reykjavík og Vestmannaeyjar.

Áætluð koma til Húsavíkur er um hádegisbil á morgun (mánudag 2. okt.).
Nánari ferðasaga og myndir verða birtar hér á vefnum innan skamms

ÞH

Eftir ævintýralega siglingu frá Húsavík til Reykjavíkur er skonnortan Haukur nú loks komin í Reykjavíkurhöfn á ferð sinni í kringum landið.

Á meðan sumarið er að syngja sitt síðasta á Húsavík og aðeins rúm vika er eftir af skipulögðum hvalaskoðunarferðum er farið að huga að næsta ári sem verður það 13. í sögu félagsins.

Undanfarna daga hafa sést Grindhvalir á Skjálfandaflóa en það er mjög sjaldgæft að þeir leggi leið sína inn á flóann.

Í dag bárust svo þær fréttir að Andarnefja hefði bæst í hóp þessara sjaldséðu gesta.

Föstudaginn 8. september mun Haukur leggja af stað til Reykjavíkur þar sem mun verða ,,opið hús” í tengslum við ferðakaupstefnuna Vestnorden sem haldin verður í byrjun næstu viku. Þessa dagana eru Norður-Siglingarmenn í óða önn að undirbúa ferðina, gera smávægilegar umbætur og yfirfara reiðann.

Hér má sjá fleiri myndir frá árshátíðinni.

Árleg árshátíð Norður-Siglingar var haldin með pompi og prakt í gærkvöldi. Eins og undanfarin ár var haldið af stað í óvissuferð og voru um 30 manns mættir fyrir utan Gamla Bauk kl.17. Að þessu sinni var ferðinni heitið niður að ósi Laxár, nánar tiltekið í fjöruna undir Ærvíkurbergi þar sem búið var að hlaða bálköst og útbúa sæti úr rekaviðardrumbum og bobbingum fyrir gestina.

Hvalaveislan virðist engan enda ætla að taka á Skjálfandaflóa og hafa hnúfubakar enn leikið stóra rullu í ferðum okkar.

Einn af þeim hefur þótt stökkglaðari en aðrir og varla liðið sá dagur að hann stökkvi ekki, farþegum til ómældrar ánægju.

Í morgun náði þó sýningin hámarki sínu þegar þessi ágæti hvalur stökk á að giska 300 sinnum fyrir farþega nokkurra báta.

Ævintýrið í "hvalaparadís" heldur áfram og síðustu daga hafa hnúfubakar verið í aðalhlutverki ásamt hrefnum.

Þeir sem áttu leið um hafnarsvæðið síðustu daga júlímánaðar hafa eflaust rekið augun í tveggja mastra seglbát sem lá við höfnina. Þar var á ferðinni Dagmar Aaen, Þýskur kútter, sem byggður var í Esbjerg í Danmörku árið 1931.