Fréttir Norðursiglingar

Á mánudagskvöldið fór hluti starfsfólks Norður-Siglingar og Hvalasafnsins í óvissuferð um Skjálfanda.

Siglt var út að Lundey á Hauknum og ankeri kastað við eyjuna. Þvínæst var liðið ferjað á gúmmíbátum upp í eyjuna og hún klifin. Gengið var norður að vita þar sem menn sleiktu sólskinið um stund og nutu útsýnisins yfir spegilsléttan Skjálfandann.

Nú er fyrstu Sænsku dögunum senn lokið og má segja að einn af hápunktunum af dagskránni hafi verið svokölluð Landnámsferð í Náttfaravíkur í gærkvöld.

Það voru Norður-Sigling og veitingahúsið Salka sem buðu um 70 manns að sigla á seglskipinu Hauk og Náttfara vestur í Náttfaravíkur þar sem beið þeirra í Rauðuvík glæsileg grillveisla og varðeldur.

Hin árlega Hvalahátíð var haldin á Húsavík um helgina. Samanstóð dagskráin af ýmsum uppákomum en á Föstudeginum stóð Hvalasafnsfólkið fyrir því að gera hval úr sandi í Suðurfjöru. Hvalurinn er í hlutföllum stærstu Steypireyðar sem vitað er um eða um 33 metrar á lengd og um 190 tonn.

Nú í kvöld kom Kjartan Hauksson á árabáti sínum Frelsi til Húsavíkur. Hann stefnir að því að róa umhverfis landið á næstu 7-8 vikum en vegalengdin er u.þ.b. 3000 km.

Þegar sólin fór að skína eftir kuldakast s.l. viku lifnaði bærinn við og mikið er um að vera á Hafnarstéttinni. Í dag voru farnar 3 aukaferðir í hvalskoðun í viðbót við venjubunda áætlun og um 360 manns á vegum Norður-Siglingar hafa því siglt á lygnum flóanum í dag.

Þótt veðrið hafi ekki leikið við Húsvíkinga og gesti þeirra undanfarið hefur hvalur verið með meira móti og allt að 4 hnúfubakar og nokkrar hrefnur, auk minni tegunda sést á flóanum. Ágætis aðsókn útlendinga hefur verið þrátt fyrir kuldann en Íslendingar halda sig til hlés þegar blæs að norðan.

Sjaldan eða aldrei hefur annríki verið meira hjá Norður-Siglingarliðinu en einmitt núna, því auk hinnar "hefðbundnu" útgerðar er ýmislegt annað í pípunum svo sem bygging á nýju 120 fermetra þjónustuhúsi og uppgerð gamalla húsa.

Það virðist vera að Ísland sé í tísku sem “brúðkaupsferðaland” um þessar mundir. Síðastliðnar tvær vikur hefur Norður-Sigling tekið á móti fjórum brúðhjónum og eru mörg fleiri bókuð í sumar.

Í síðustu viku lögðu starfsmenn Norður-Siglingar upp í ferð til Eyjafjarðar, nánar tiltekið Dalvíkur, þar sem hópur ferðamanna var sóttur. Hópurinn samanstóð af 50 söluhæstu starfsmönnun austurrísks tryggingafyrirtækis sem boðið var til Íslands af fyrirtækinu í þakklæti fyrir vel unnin störf.

Húsavíkurhöfn orðin afar vinsæll viðkomustaður fyrir skútur innlendar sem erlendar.

Mikið líf hefur verið á flóanum síðastliðan daga og dæmi um að hnúfubakar, hrefnur, hnísur og höfrungar sjáist í sömu ferðinni.

Sjómannadagurinn er haldinn hátíðlegur á Húsavík sem og öðrum sjávarplássum á Íslandi. Hluti af dagskrá dagsins hefur lengi verið að skemmtisigling er farinn um Skjálfandaflóa með þá sem vilja, en reyndar yfirleitt á laugardeginum, þar sem mest af skipulagðri dagskrá fer fram.