Fréttir Norðursiglingar

Í gær voru í heimsókn hjá Norður-Siglingu starfsmenn Icelandair í London en þeir voru á ferðinni m.a. til að kynna sér starfsemi Norður-Siglingar. Í gegnum tíðina hefur samband Norður-Siglingar við Icelandair verið gott og ekki óalgengt að hópar frá þeim kíki við á Víkinni.

Síðastliðið sumar var gerð könnun um borð í bátum félagsins þar sem viðhorf farþega til Norður-Siglingar sem og málefna tengdum hvölum var kannað. Það var Elsa María Jakobsdóttir BS nemi í félagsfræði við Háskóla Íslands sem hafði yfirumsjón með framkvæmdinni en rannsóknin var unnin í samstarfi við Þekkingarsetur Þingeyinga á Húsavík.