Fréttir Norðursiglingar

Nú nýlega festi Norður-Sigling kaup á fornfrægu húsi í miðbæ Húsavíkur og þar standa nú yfir gagngerar breytingar. Húsið er tveggja hæða timburhús auk kjallara en það var reist sama ár og Húsavíkurkirkja eða 1907. Í húsinu rak á árum áður Bjarni Benediktsson krambúð og er húsið gjarnan nefnt eftir honum, þ.e. Bjarnabúð. Sumir þekkja húsið reyndar undir nafninu “Gamla Skóbúðin” enda hóf skóbúð Húsavíkur rekstur sinn þar snemma á síðust öld en sú góða búð starfar enn í dag en nú handan Garðarsbrautarinnar.