Fréttir Norðursiglingar

Garðarshólmi er verkefni sem hefur verið í gangi hjá Norður-Siglingu í áraraðir og miðar að því að setja á stofn fræðasetur á Húsavík, þar sem landnám norrænna manna á Íslandi hófst.

Garðarshólmi verður tileinkaður sænska landkönnuðinum Garðar Svavarssyni og samferðamanni hans, Náttfara, sem sigldi til Íslands árið 870.

Sænskur víkingur hefur undanfarna daga dvalist á Húsavík á vegum Norður-Siglingar. Tilgangur heimsóknarinnar var að þjálfa starfsfólk Norður-Siglingar í siglingum sem og að fínstilla reiðann á skonnortunni Hauk.

Það er nú árviss atburður að 3 efstu bekkir Borgarhólsskóla fari haustferð með Norður-Siglingu. Ferðirnar eru mismunandi eftir árum til þess að hver nemandi fái að njóta Skjálfandaflóa á sem fjölbreyttastan hátt og er í hverri ferð viðeigandi fræðsla fyrir nemendurna.

Fyrir þá sem eru snemma í því og eru farnir að plana fyrir næsta sumar þá er áætlun og verð fyrir 2006 tilbúið.

Þar sem það er aðeins október finnst flestum heldur snemmt að huga að jólunum, en þessa dagana lítur Húsavík svo sannarlega út fyrir að Stekkjastaur og hans ágætu 12 bræður séu á næsta leiti.

Hvalaskoðunarvertíðin á Húsavík er nú senn á enda. Formlegri áætlun lauk 20. september en eftir það var siglt með nokkra sérhópa. Þó er enn beðið eftir að viðri vel til siglingar með skólakrakka úr Borgarhólsskóla, en það er nú árlegur viðburður að sigla yfir flóann með 8. 9. & 10. bekk og taka þar land. Við vonum að veður gefi til þessara siglingar á næstu dögum.

Dagana 16. – 18. september sl. heimsóttu sænsku sendiherrahjónin tilvonandi Norður-Siglingu á Húsavík. Sendiherrann, Frú Madeleine Ströje-Wilkens og maður hennar, Martin Wilkens komu til landsins með Norrænu 13. September og eyddu nokkrum af fyrstu dögum Íslandsdvalar sinnar á Húsavík. Madeleine tekur við stöðu sendiherra Svíþjóðar á Íslandi þ. 30. september n.k.

Tilgangur ferðarinnar var að þjálfa starfsfólk Norður-Siglingar í siglingum og kynna því Ísland af sjó. Jafnframt að kynna landsmönnum skútuna sem slíka en hún er eina seglskip sinnar tegundar á Íslandi. Haukur er búin skonnortugaffalreiða sem er samskonar reiði og flest hákarlaskip voru búin sem gerð voru út frá Norðurlandi á 19. öldinni.

Misjafnlega hefur viðrað til hvalaskoðunar á Skjálfanda í September og dagar fallið úr. Inn á milli hafa þó komið afbragðsgóðir dagar með blíðuveðri og hefur hvalasýn undantekningarlítið verið góð.

Nú snemma í morgun kom Haukur aftur til Húsavíkur eftir siglingu frá Reykjavík. Um borð var 6 manna áhöfn og höfðu það allir gott þrátt fyrir að aðstæður og veður hafi verið misjafnt á leiðinni.

Hópur breskra blaðamanna heimsótti Húsavík síðastliðinn laugardag. Ferðin var skipulögð af ferðaskrifstofunni Discover the World í London og Ferðamálaráði. Blaðamnennirnir heimsóttu margar af helstu perlum Norðurlands t.d. Mývatn og nágrenni, hvalaskoðun, Hvalasafnið, en könnuðu einnig nokkra af minna þekktu afþreyingarmöguleikunum, t.d. berjatínslu, vín- og snapsgerð, silungaveiði (úr eldiskerjum!), matar og vín smökkun og margt fleira.

Frá og með deginum í dag fækkar ferðum Norður-Siglingar í eina á dag, kl: 13:30 og helst sú áætlun til 20. september.

Þrátt fyrir að farið sé að hausta hér fyrir norðan hefur gengið vel að sjá hvali síðastliðnar vikur og í gær sáust t.d. hnúfubakar, hrefnur, hnísur og höfrungar.

Eftir frábærar móttökur á Bolungarvík lagði skonnortan Haukur af stað í gærmorgun áleiðis til Reykjavíkur og kom í höfn á Ólafsvík seint í gærkvöldi. Hvass vindur var á Breiðafirðinum sem reyndi bæði á áhöfn og bát en vel gekk. Áhöfnin var fegin landtökunni og hvíldist vel í nótt.

Haukur, skonnorta Norður-Siglingar lagði upp í langferð á laugardaginn og er ferðinni heitið til Reykjavíkur.