Fréttir Norðursiglingar

Hvalaskoðun Norður-Siglingar hefur farið vel af stað þetta árið, þ.e.a.s. eftir að norðanhretinu í byrjun mánaðarins slotaði. Líflegt hefur verið í flóanum og gestir erlendir sem innlendir ánægðir með ferðirnar.

Framan af maímánuði hefur tíðarfarið verið vægast sagt risjótt og því ekki gefið á sjóinn, hvorki fyrir hvalaskoðunarbáta né marga af fiskibátum Húsvíkinga. Fjöldi erlendra gesta hafa þurft frá höfuðstaðnum að hverfa án skoðunar hvala. Það var því mikil ánægjustund þegar Hrólfur Þórhallsson einn skipstjóra Norður-Siglingar stýrði dýrum Knerri á vit ævintýranna með nokkra ferðamenn innanborðs auk áhafnar.