Fréttir Norðursiglingar

10. árið í hvalaskoðun

Árið sem nú er rétt liðið var merkilegt ár fyrir margar sakir í sögu Norður-Siglingar. Aldrei hefur félagið flutt fleiri farþega um Skjálfandaflóa en þeir voru komnir á 28. þúsundið þegar vertíðinni lauk í lok september. Þá störfuðu um 30 manns hjá félaginu yfir háannatímann. Alls má gera ráð fyrir að um 33 þúsund farþegar hafi farið í hvalaskoðun frá Húsavík og var markaðshlutdeild Norður-Siglingar því rétt rúm 80%.

Á einni nóttu snjóaði meira á Húsavík en elstu menn muna og muna þeir nú stundum tímana tvenna. Það má því fastlega gera ráð fyrir að jólin verði hvít að þessu sinni og vel það.

Eftirfarandi myndir voru teknar í dag við hús og báta Norður-Siglingar.

HH

Norður-Sigling keypti hið sögufræga hús sem byggt er í bakkanum á Húsavík árið 1997 þá ekki síst með það fyrir augum að gera húsið upp og tryggja því áframhaldandi líf. Hallandi er byggður um 1907 eða á sama tíma og Húsavíkurkirkja. Í húsinu hefur verið margvísleg starfsemi svo sem korngeymsla vegna nálægðar við uppskipun fyrri tíma áður en hafnarmannvirki risu á Húsavík. Þar var og kenndur dans og að síðustu hefur húsið þjónað og þjónar enn sem íbúðarhús.