Fréttir Norðursiglingar

Þó hvalaskoðunarferðir séu jafnan mest áberandi hjá Norður-Siglingu, hefur fyrirtækið þjónað mörgum hópum, smáum og stórum í allskyns ævintýraferðum í gegnum árin.

Eftir að brælan sem í gær var á Skjálfandaflóa gekk niður hefur hvalaskoðunin verið góð og m.a. sást Hnúfubakur í dag. HH

Í gær sigldi forsætisnefnd Alþingis ofl. í Flatey á Skjálfanda á skonnortunni Hauk. Á leiðinni út voru hrefnur skoðaðar og sjálfsagt var þar um vísindaskoðun að ræða. Eftir stutta dvöl í Flatey þar sem byggð lagðist af 1968 var siglt til Húsavíkur og snætt í Skipasmíðastöðinni, einum veislusala Gamla Bauks. HH

Í spegilsléttum sjó "réru" starfsmenn skrifstofu Húsavíkurbæjar til fiskjar síðastliðinn laugardag á Bjössa Sör.

Sá staður og sú stund sem valin eru til árshátíðahalds Norður-Siglingar hafa jafnan verið óhefðbundin. Eðli málsins samkvæmt vinna flestir hjá fyrirtækinu yfir sumartíman og því væri það bragðdaufari stíll en ella að halda slíkan mannfögnuð að vetri þegar einungis um 5-6 manns eru við störf.

Segja má að dagurinn í gær hafi verið svartur í sögu hvalaskoðunar og e.t.v. ferðaþjónustu í heild þar sem 15. ágúst 2003 markaði upphaf hrefnuveiða eftir 14 ára hlé.

Nú er birtu farið að bregða svo mjög á kvöldin að ekki er lengur hægt með góðu móti að sigla í hvalaskoðun kl. 20:15. Þetta eru svo sem engar nýjar fréttir því að í níu ár hefur sá háttur verið á að kvöldferðin dettur út um þetta leyti. Þriggja ferða áætlun helst til 5. september en þá fækkar ferðum niður í eina á dag. Meðfylgjandi mynd var tekin í einni af síðustu kvöldferðunum suður af Flatey.

Gríðarlegur fjöldi Háhyrninga var í Skjálfanda í gær sem var glæsileg sjón fyrir þá tæplega 400 farþega sem urðu vitni að herlegheitunum.

Um helgina voru haldnir hinir árlegu Mærudagar á Húsavík og fóru þeir fram í sól og 25 stiga hita.

Íslenska þjóðfánanum var flaggað í hálfa stöng við hafnaraðstöðu hvalaskoðunarbáta Norður-Siglingar á Húsavík í morgun eftir að fréttir bárust þess efnis, að hefja ætti tilraunaveiðar á hrefnu síðar í þessum mánuði.

Athyglisverð grein á vef Péturs Óskarssonar, www.besserwisser.is

Alls voru á vegum Norður-Siglingar 11 brottfarir í hvala- og náttúruskoðun í dag.

Nú í kvöld sást í fyrsta skipti í nokkrar vikur til hnúfubaks í flóanum...