Fréttir Norðursiglingar

Miðvikudagskvöldið 25. júní sl. sigldu starfsmenn Norður-Siglingar, Gamla Bauks og Hvalamiðstöðvarinnar í Flatey, sér til skemmtunar og endurnæringar.

Óvenju mikið hefur verið af Grímseyjarsiglingum það sem af er sumri hjá Norður-Siglingu eða alls 4 ferðir, tvær á skonnortunni Hauk og 2 á Náttfara.

Bjössi Sör var smíðaður í skipasmíðastöð KEA og var síðasti báturinn sem hljóp af stokkunum hjá þeirri skipasmíðastöð. Hann er 28 tonn að stærð og var lengst af gerður út á Eyjafirði undir nöfnunum Sólrún og Naustavík og þá að mestu til hrefnuveiða.

Undanfarna daga hafa Hnúfubakar verið í flóanum og sýnt sig ferðamönnum. Hnúfubakar eru "skyldhveli" hrefnunnar en þeir tilheyra ásamt henni ofl. ætt reyðarhvala. Hnúfubakar geta orðið um 15 metrar á lengd og vega þá í kringum 30 tonn.

Á sjómannadaginn sl. þann 1. júní sigldi Náttfari snemma morguns inn á Árskógssand í Eyjafirði og tók þar um borð 70 Hollendinga sem voru í hvataferð á norðurlandinu.