Fréttir Norðursiglingar

Þórunn Harðardóttir, hvalaleiðsögukona, vélstýra og skipstýra hjá Norður-Siglingu flaug á haustdögum vestur um haf til að kynna sér siglingamenninguna á austurströndinni og með það fyrir augum að taka þátt í siglingakeppni nokkurri þar sem skonnortur einar skipa taka þátt.

Þessa dagana er unnið að dýpkun hafnarinnar og þá sérstaklega við flotbryggju þá er Norður-Sigling hefur afnot af yfir sumartímann.
Dýpkunin var orðin mjög aðkallandi en tæpt var á því að bátar félagsins flytu við bryggjuna á fjöru.

Knörrinn, fyrsti bátur félagsins varð á þessu ári fertugur og hefur frá upphafi verið afar mikið happafley...

Í kjölfar vel heppnaðrar markaðssamvinnu í Færeyjum á haustdögum var ákveðið að hinir sömu víkingar, þ.e. Haraldur frá MarkHús og Heimir frá Norður-Siglingu yrðu sendir vestur um haf til að kynna Icelandair undur Þingeyjarsýsla.

Dagana 28. sept til 05. okt var farin svokölluð “Roadshow” ferð íslenskra ferðaþjónustuaðila um Eystrasaltslöndin, Finnland og Rússland. Þar voru á ferð 12 Íslensk fyrirtæki úr röðum ferðaskrifstofa, hótelkeðja og afþreyingaraðila.

Nú í dag var í sól og blíðu undirritaður samningur milli Norður-Siglingar Ehf. og Hótels Húsavíkur Ehf.

Dagana 15-17 september sl. var 18. Vestnorden ferðakaupstefnan haldin i Þórshöfn í Færeyjum. Norður-Sigling tók thar thátt og var thad i 9. skiptið sem fulltrúi var sendur frá fyrirtækinu.

Nú í morgunsárið, reyndar svo snemma að morgunhanarnir á www.skarpur.is höfðu ekki galað, sigldi Rainbow Warrior, flaggskip Greenpeace samtakanna inn flóann.

Á föstudaginn sl. sigldu efstu bekkir Borgarhólsskóla, um 120 manns með Náttfara og Hauk út í Flatey.

Þó hvalaskoðunarferðir séu jafnan mest áberandi hjá Norður-Siglingu, hefur fyrirtækið þjónað mörgum hópum, smáum og stórum í allskyns ævintýraferðum í gegnum árin.

Eftir að brælan sem í gær var á Skjálfandaflóa gekk niður hefur hvalaskoðunin verið góð og m.a. sást Hnúfubakur í dag. HH

Í gær sigldi forsætisnefnd Alþingis ofl. í Flatey á Skjálfanda á skonnortunni Hauk. Á leiðinni út voru hrefnur skoðaðar og sjálfsagt var þar um vísindaskoðun að ræða. Eftir stutta dvöl í Flatey þar sem byggð lagðist af 1968 var siglt til Húsavíkur og snætt í Skipasmíðastöðinni, einum veislusala Gamla Bauks. HH

Í spegilsléttum sjó "réru" starfsmenn skrifstofu Húsavíkurbæjar til fiskjar síðastliðinn laugardag á Bjössa Sör.

Sá staður og sú stund sem valin eru til árshátíðahalds Norður-Siglingar hafa jafnan verið óhefðbundin. Eðli málsins samkvæmt vinna flestir hjá fyrirtækinu yfir sumartíman og því væri það bragðdaufari stíll en ella að halda slíkan mannfögnuð að vetri þegar einungis um 5-6 manns eru við störf.

Segja má að dagurinn í gær hafi verið svartur í sögu hvalaskoðunar og e.t.v. ferðaþjónustu í heild þar sem 15. ágúst 2003 markaði upphaf hrefnuveiða eftir 14 ára hlé.