Hvalir, lundar og segl NS-2

Hér er boðið upp á einstaka siglingu, um borð í annarri af tveimur skonnortum Íslands, Hauki eða Hildi, sem samtvinnar hvalaskoðun, fuglaskoðun og ævintýrasiglingu. Um borð má upplifa anda liðinna tíma og taka þátt í að hífa upp segl eða aðstoða skipstjórann við að stýra skipinu. Auk hefðbundinnar hvalaskoðunar er siglt upp að Lundey, þar sem farþegum gefst kostur á að skoða tugþúsundir lunda sem búa í eyjunni yfir sumarmánuðina.