Grænland NSE-2

Þessi ferð er einstakt tækifæri til þess að upplifa ótrúlegan ævintýraheim austurstrandar Grænlands um borð í skonnortunni Hildi. Risafjörðurinn Scoresbysund teygir sig 350 km inn í landið og er fullkominn vettvangur til landkönnunar á þessu fjarlæga og afskekkta svæði. Margir litlir firðir ganga inn frá hinum stóra þar sem alger kyrrð ríkir, sumir þeirra eru eins og mikil gljúfur þar sem 3000 m þverhníptir klettar gnæfa yfir. Óviðjafnanleg náttúra sem lætur engan ósnortinn.

Ferðaáætlun

Dagur 1 (laugardagur)

Flogið frá Reykjavík til Constable Pynt sem er lítill flugvöllur á vestanferðum Hurry firði í Jameson Land. Það er stigið um borð í Hildi og siglt í vestur milli stórkostlegra ísjaka sem hafa brotnað frá meginísnum og reka niður Hall Basin skipaskurðinn. Varpað akkerum við Hekla Havn, náttúrulegri höfn á litlu eyjunni Danmarks Ö sem er gamalt landnám inúíta en þar voru einnig vetrarbúðir fyrsta vísindalega könnunarleiðangursins í Scoresbysundi fyrir rúmri öld.

Dagur 2 (sunnudagur)

Hekla Havn og næsta umhverfi hennar kannað. Siglt vestur hinn þrönga Føhnfjord til Ankervig með mikilfengleg basalt fjöll Gåselands á bakborða og 2000 metra háa graníthamra á stjórnborða. Þegar tekur að nálgast Rode Ö er beygt inn í Ankervig flóa þar sem akkerum er varpað. Við tekur 1-2 tíma auðveld ganga.

Dagur 3 (mánudagur)

Klifið upp fjallshrygg upp af Ankervig sem veitir fína sýn yfir litrík líparítfjöll og auk þess glæsilegt útsýni yfir ýmis fjöll og tinda, eldfjallasýn á aðra hönd en granítsýn á hina. Þeir sem vilja rólegri morgunstund geta annað hvort notið tímans niður við sjó eða gengið í Hjörnedal, brattan dal sem gengur inn í Gåseland frá Ankervig. Þetta svæði er eitt hið gróskumesta á allri austurstöndinni enda loftslagið þar svo til stöðugt allt sumarið. Þangað fara innfæddir til þess að veiða sauðnaut og silung.

Eftir hressandi morgungöngu er siglt norður Rauðafjörð með rauða eldfjallasýn í suðurhluta fjarðarins. Komið til Harefjörð síðdegis og akkerum varpað. Við tekur 3-4 tíma ganga og um kvöldið er slegið upp varðeldi og grillað á grýttri ströndinni.

Dagur 4 (þriðjudagur)

Farið í land í Harefirði og njósnað um sauðnautin sem jafnan eru á beit í brekkunum sem snúa að suðri. Þar er létt ganga upp á topp fjallhryggsins sem liggur milli Harefjarðar og Rypefjarðar en útsýnið þaðan yfir Renland og ísinn og jökultungurnar sem teygja sig niður að sjó er ólýsanlegt. Allt að 6 klukkutstunda ganga (þeir sem kjósa minni áreynslu geta gengið meðfram ströndinni eða verið um borð að njóta útsýnisins).

Dagur 5 (miðvikudagur)

Áfram er siglt, en í þetta skipti austur hinn ógnarlega Öfjörð. Þetta er einhver mikilfenglegasti hluti ferðarinnar. Ótrúlegir fjallstindar og granítveggir rísa 200 m upp af haffletinum líkt og Cerro Torre (eitt af hinum mikilfenglegu fjöllum í Suður Patagóníu-jöklinum í Suður Ameríku) og Fitzroy áin (í Queensland, Ástralíu) hafi verði teflt saman við Heimskautið! Sannkölluð stórveisla fyrir augað. Komið til Bjarnareyjar seint síðdegis og akkerum varpað við Jyttes Havn.

Dagur 6 (þriðjudagur)

Eftir frekar stutt stopp á Bjarnareyum er lagt af stað snemma morguns yfir Hall Basin til þorpsins Ittoqqortoormiit.

Dagur 7 (föstudagur)

Heimsókn í þorpið Ittoqqortoormiit sem var stofnað árið 1925 af fólki frá Ammassalik og er nyrsta byggð á austurströnd Grænlands. Íbúar eru 500 talsins og byggja afkomu sína að mestu á veiðum á selum, náhvölum, sauðnautum og ísbjörnum. Litlu sérkennilegu húsin standa á grýttum hlíðum Suður-Liverpool lands með óviðjafnanlegt útsýni yfir Kap Brewster og Volquart Boons ströndina í suður. Þarna er tækifæri til að heimsækja verslun þorpsins sem selur heimagerða minjagripi úr beinum, sápusteinum og skinni.

Dagur 8 (laugardagur)

Siglt til Constable Pynt, farið frá borði og flogið aftur til Reykjavíkur.

---