Bjössi Sör

Bjössi Sör var smíðaður á Akureyri árið 1975 og er einn af síðustu eikarbátum Íslendinga. Báturinn var lengst af gerður út frá Eyjafirði og þá sem hrefnuveiðibátur og var þá ekki síst haldið til veiða inni á Skjálfanda. Norðursigling festi kaup á bátnum sumarið 2002 og sumarið 2003 hóf hann siglingar á flóanum. Það má því segja að báturinn sé kominn á kunnuglegar slóðir en nú ekki með skutulinn frammi í stafni heldur eftirvæntingafulla ferðamenn frá fjarlægum löndum.