Bátar og segl
Varðveisla
Eitt helsta markmið Norðursiglingar er varðveisla íslenskra eikarbáta. Með smíði eikarbáta náðu íslenskir iðnaðarmenn einstaklega langt í því handverki svo að nánast er um listgrein að ræða. Smiðareglurnar voru strangari hér á landi bæði hvað varðar styrkleika og val á efni. Norðursigling hefur haft eikarbáta í siglingu með farþega á Skjálfanda síðan 1995. Sú reynsla hefur sýnt að eikarbátar eru einstaklega þægilegir, hljóðlátir og hafa rólegar hreyfingar og henta eikarbátar Norðursiglingar því einkar vel til hvala- og náttúruskoðunar.
Seglbátarnir
Tveir af bátum Norðursiglingar hafa verið endurbyggðir sem tveggja mastra seglskip og svipar þeim mjög til fiskiskonnorta þeirra sem algengar voru við Norðurland á seinni hluta 19. aldar. Með þessu vill Norðursigling viðhalda kunnáttu sem nærri var gleymd og sjá til þessi að gömul gildi gleymist ekki. Skúturnar tvær, Haukur og Hildur, eru báðar notaðar í almennar ferðir Norðursiglingar og eru einnig til taks í sérhæfðari verkefni.
Bátaleiga
Bátar Norðursiglingar eru allir til útleigu hvort sem áætlaðar eru lengri ferðir eða styttri og jafnvel þótt ekki sé ætlunin að leggja frá landi. Sumir bátanna eru vel búnir neðanþilja og henta einkar vel fyrir veislur, fundi og samsæti. Allt er mögulegt og um að gera að hafa samband og spyrjast fyrir.
Leit
Mynd
Fįnar
